پشاور (این این آئی) خیبر پختونخوا میں صوبائی اسمبلی میں اقلیت کی خالی نشست پر پی ٹی آئی کے بلدیو کمار کامیاب ہو گئے ۔نجی ٹی وی کی رپورٹ کے مطابق وزیرا علیٰ پرویز خٹک کے معاون خصوصی برائے اقلیتی اموراورایم پی اے سردار سورن سنگھ کے قتل کے بعد خالی ہونے والی نشست پر اس قتل میں گرفتار مرکزی ملزم بلدیو کمار کوایم پی اے منتخب کر الیا الیکشن کمیشن نے بھی اس حوالے سے نوٹیفکیشن جاری کر دیا تاہم صوبائی حکومت کے ترجمان مشتاق غنی نے کہا کہ تحریک انصاف کی حکومت بلدیو کمار کو اسمبلی میں داخلے اور حلف برداری کو روکنے کیلے تمام آپشنز استعمال کریگی۔ یادرہے کہ سردار سورن سنگھ کو 22اپریل کے روز بونیر میں انکے گھرکے قریب فائرنگ کر کے قتل کر دیا گیا تھا جس کے بعد قتل کے شبہ میں گرفتار افراد کی نشاندہی پر پویس نے بلدیو کمار کو بھی گرفتار کیا تھا جو ابھی تک جیل میں ہیں۔

موضوعات:پی ٹی آئی سردار سورن سنگھ