کراچی(این این آئی) قومی احتساب بیورو(نیب) نے کراچی میں اپنے ہی افسر کامران جانوری کو رشوت لیتے ہوئے رنگے ہاتھوں گرفتار کرلیا ہے۔تفصیلات کے مطابق قومی احتساب بیورو نے نیب انویسٹی گیش ونگ تھری کے افسر کامران جانوری کو گرفتار کر لیا گیا ہے۔نیب حکام کے مطابق ملزم انویسٹی گیشن ونگ تھری کا افسر ہے اور چھاچھرو کی ٹاؤن میونسپل کارپوریشن میں ہونے والی بدعنوانی کی تحقیقات میں سرکاری افسر سے ناجائز دباؤ ڈال کر رشوت طلب کی تھی۔حکام نے مزید بتایا کے کامران جانوری نے اپنے اختیارات کا ناجائز فائدہ اٹھاتے ہوئے سرکاری افسر سے ایک لاکھ پچیس ہزار سے دیڑھ لاکھ روپے رشوت طلب کی اور رنگے ہاتھوں گرفتار کرلیاگیا۔ ترجمان نیب کے مطابق ٹی ایم اے چھاچھرو ضلع تھرپارکر میں فنڈز کی خورد برد کی تفتیش جاری ہے۔ کامران جانوری نے تفتیش میں ایک افسر سے رشوت لی۔ملزم کے خلاف قانون کے تحت مقدمہ درج کرلیاگیاہے۔