اسلام آباد (نیوز ڈیسک)بلومبرگ کے مطابق سونے کی قیمت میں ہونے والا یہ اضافہ گزشتہ تقریباً دو ہفتوں کے دوران ایک دن میں سامنے آنے والی سب سے نمایاں تیزی ہے۔
دوسری جانب جاپانی ین سمیت بعض بڑی عالمی کرنسیوں کے مقابلے میں ڈالر کی قدر میں بھی تبدیلیاں دیکھی گئیں۔عالمی سرمایہ کاروں کی نظریں اس وقت امریکی فیڈرل ریزرو کی آئندہ شرح سود سے متعلق پالیسی پر مرکوز ہیں، جس کے باعث سونے کی قیمت میں اتار چڑھاؤ مزید بڑھ گیا ہے۔فیڈرل ریزرو کے گورنر کرسٹوفر والر کے مطابق انہیں امید ہے کہ اگلے ماہ مہنگائی کے اعدادوشمار حوصلہ افزا رہیں گے۔
ان کا کہنا تھا کہ شرح سود کے حوالے سے آئندہ فیصلہ اگست کے افراطِ زر کے اعدادوشمار سے خاصا متاثر ہوسکتا ہے۔اگست کی مہنگائی سے متعلق اعدادوشمار آئندہ ہفتے جاری کیے جائیں گے، جن کے بعد عالمی مارکیٹ میں شرح سود کے مستقبل سے متعلق سرمایہ کاروں کی توقعات مزید واضح ہونے کا امکان ہے۔ماہرین کے مطابق عالمی معاشی اور مالیاتی غیر یقینی صورتحال کے دوران سونے کو عموماً محفوظ سرمایہ کاری کا ذریعہ سمجھا جاتا ہے۔ اسی وجہ سے سرمایہ کار شرح سود، ڈالر کی قدر اور عالمی کرنسیوں میں ہونے والی تبدیلیوں پر گہری نظر رکھے ہوئے ہیں۔سونے کے علاوہ کئی صنعتی دھاتوں کی قیمتوں میں بھی اضافے کا رجحان دیکھا گیا ہے۔
