اسلام آباد (نیوز ڈ یسک)حکومت نے پیٹرولیم مصنوعات کی قیمتوں میں ردوبدل کرتے ہوئے پیٹرول اور ڈیزل کی نئی قیمتوں کا اعلان کردیا ہے۔

حکومت کی جانب سے جاری کردہ نوٹیفکیشن کے مطابق پیٹرول کی قیمت میں 3 روپے 13 پیسے فی لیٹر کمی کردی گئی، جس کے بعد اس کی نئی قیمت 345 روپے 87 پیسے فی لیٹر مقرر ہوگئی ہے۔دوسری جانب ڈیزل صارفین کے لیے قیمت میں اضافہ کیا گیا ہے۔ نوٹیفکیشن کے مطابق ہائی اسپیڈ ڈیزل 3 روپے 74 پیسے فی لیٹر مہنگا کردیا گیا، جس کے بعد ڈیزل کی نئی قیمت 378 روپے 5 پیسے فی لیٹر ہوگئی ہے۔حکومت کے مطابق پیٹرول اور ڈیزل کی یہ نئی قیمتیں 5 ستمبر سے 7 ستمبر 2026 تک نافذ العمل رہیں گی۔

یوں نئی قیمتوں کے تحت پیٹرول استعمال کرنے والوں کو کچھ ریلیف ملے گا، جبکہ ڈیزل کی قیمت میں اضافے کے باعث صارفین کو اضافی رقم ادا کرنا ہوگی۔