اسلام آباد (نیوز ڈیسک)ملک بھر میں سونے کی قیمت میں ایک بار پھر کمی ریکارڈ کی گئی ہے، جہاں فی تولہ سونا 3 ہزار 600 روپے سستا ہوگیا۔

آل پاکستان جیمز اینڈ جیولرز ایسوسی ایشن کے مطابق 3 ہزار 600 روپے کمی کے بعد فی تولہ سونے کی قیمت 4 لاکھ 65 ہزار 536 روپے مقرر ہوگئی ہے۔

اسی طرح 10 گرام سونے کے نرخ میں بھی 3 ہزار 86 روپے کی کمی ہوئی، جس کے بعد اس کی قیمت 3 لاکھ 99 ہزار 122 روپے ہوگئی۔دوسری جانب بین الاقوامی مارکیٹ میں بھی سونے کی قیمت کم ہوئی ہے۔ عالمی سطح پر سونا 36 ڈالر کی کمی کے بعد 4 ہزار 430 ڈالر فی اونس کی سطح پر آگیا ہے۔