گوادر (آئی این پی)گوادر،آخر وہ دن آہی گیا جس کا انتظارتھا،پاکستان اور چین نے نئی تاریخ رقم کردی،پاک چین اقتصادی راہداری منصوبے کے تحت پہلا چینی مرچنٹ جہاز گوادر بندرگاہ پر لنگر انداز ہوگیا۔ چینی مرچنٹ جہاز کی پاک بحریہ کے جہاز نے پورٹ قاسم سے گوادر پورٹ تک رہنمائی کی۔ذرائع کے مطابق چینی مرچنٹ جہاز کرینوں کی تنصیب کے لئے الیکٹریکل سامان سے لدا ہوا گوادر بندرگاہ پر لنگر انداز ہوگیا ہے۔ حکام کے مطابق پاک چین راہداری منصوبے کے تحت یہ پہلا چینی جہاز ہے جو گوادر پہنچا ہے۔ چینی مرچنٹ جہاز کی پاک بحریہ کے جہاز نے پورٹ قاسم سے گوادر پورٹ تک رہنمائی بھی کی۔