اسلام آباد(آئی این پی )اسپیکر قومی اسمبلی سردار ایازصادق نے کہا ہے کہ قومی اسمبلی میں وزیراعظم کے خطاب کے بعد اپوزیشن لیڈر کوبولنے کا موقع دیا جائے گا،ایوان کے اندر نعرے بازی کی اجازت نہیں ہوگی،کسی نے بغیر پارلیمانی زبان استعمال کی تو ایوان سے باہر نکلوا دوں گا۔ اتوار کو ایک نجی ٹی وی سے گفتگو کر تے ہوئے انہوں نے کہا کہ وزیراعظم کے خطاب کے بعد اپوزیشن لیڈر کو بولنے کا موقع دیا جائے گا ایوان میں حکومتی اور اپوزیشن ارکان کو بولنے کے یکساں مواقع فراہم کروں گا۔سردار ایاز صادق نے کہا کہ ایوان کے اندر نعرے بازی کی اجازت نہیں ہوگی،غیر پارلیمانی زبان استعمال کرنے والوں کو ایوان سے نکلوا دوں گا۔