اسلام آباد (نیوزڈیسک)ہن کرلو گِل۔۔۔شاہ محمود قریشی کی وزیراعظم کو پیشکش نے سب کو حیران کردیا،پاکستان تحریک انصاف کے مرکزی رہنما شاہ محمود قریشی نے کہا ہے کہ وزیر اعظم قومی اسمبلی آئیں ٗ اپوزیشن منتظر ہے ٗ صرف وزیر اعظم کی تقریر نہیں سوالات کے جواب بھی چاہیں، تحریک انصاف ایوان میں شائستگی کا مظاہرہ کریگی، کسی قسم کا شور شرابہ نہیں کیا جائے گا۔ایک سوال کے جواب میں شاہ محمود قریشی نے کہاکہ وزیر اعظم اسمبلی آئیں ہم انتظار کریں گے، کسی قسم کی نعرے بازی نہیں کرینگے۔شاہ محمود قریشی نے کہا کہ وزیر اعظم کی تقریر کے حوالے سے حکمت عملی طے کرنے کے لئے متحدہ اپوزیشن کا اجلاس طلب کر لیا ہے، متحدہ اپوزیشن (آج) پیر کو قومی اسمبلی کے اجلاس سے پہلے تین بجے اپوزیشن چیمبر میں اکٹھی ہو گی اور لائحہ عمل طے کرے گی۔