لاہور(نیوزڈیسک) ملک بھر میں شب معراج النبی کو عقیدت واحترام سے منانے کے لیے شہر بھر کی معروف مساجد اور مزارات پر اس حوالے سے انتظامات کرلیے گئے ہیں۔ شب معراج النبی کے حوالے سے جمعرات کے روز سکولوں میں عام تعطیل کی جائے گی۔شہر بھر کی مساجد میں چراغاں کیا جائے گا اور شب بیداری کی محافل منعقد کی جائیں گی معراج النبی کے موقع پر دیندار مرد وزن روزہ رکھتے ہیں جبکہ اپنی حیثیت کے مطابق مسلمان گھروں میں نیاز دی جاتی ہے جببکہ صاحب ثروت اور مخیر حضرات غرباء کھانا تقسیم کرتے ہیں سکیورٹی کے حوالے سے ڈی آئی جی آپریشنز ڈاکٹر حیدر اشرف نے بتایا کہ شب معراج النبی کے موقع پر مساجد اور مرزارات کی سکیورٹی کے لئے سپیشل سکیورٹی فوری تعینات کی گئی ہے انہوں نے مزید کہا کہ شہریوں کو چاہیے کہ وہ اپنی شناخت کے لئے اپنے قومی شناختی کارڈ کو اپنے ہمراہ لازمی رکھیں موجودہ حالات میں خود کو بھی ہر قسم کی چیکنگ اور پریشانی سے بچنے کے لئے نادرا کا کمپیوٹرائزڈ شناختی مددگار ثابت ہوتا ہے۔ انہوں نے کہا کہ ساری رات جہاں فرزندان اسلام عبادت کریں گے وہاں سکیورٹی فورسز ان کے تحفظ کیلئے موجود رہے گی۔