نئی دہلی (این این آئی)”را“ کے ایجنٹ کا معاملہ کدھر ؟ الٹا پٹھان کوٹ کے واقعے کو بنیاد بناکر بھارتی تحقیقاتی ٹیم پاکستان کا دورہ کرے گی،بھارت پھر پاکستان پر چڑھ دوڑا،بھارتی میڈیا کا حیرت انگیز دعویٰ،بھارتی میڈیا نے دعویٰ کیا ہے کہ پٹھانکوٹ حملے کی تفتیش کے سلسلے میں بھارت کے قومی تحقیقاتی ادارے کی ٹیم پاکستان کا دورہ کرےگی ¾ پاکستانی تحقیقاتی ٹیم بھارت میں تفتیش مکمل کرنے کے بعد (آج) ہفتہ کو وطن واپس پہنچے گی تفصیلات کے مطابق اپنے دورے کے دوران پاکستانی ٹیم نے پٹھان کوٹ ایئر بیس کے اس حصے کا دورہ کیا جہاں حملہ ہوا تھا -پٹھان کوٹ حملے کے مشکوک کردار ایس پی گورداسپور سلوندر سنگھ، ان کے دوست راجیش ورما اور دوسرے مبینہ عینی شاہدین سے بھی تفتیش کی۔ دوسری جانب بھارتی میڈیا کے مطابق بھارتی حکومت نے پٹھان کوٹ حملے کی تحقیقات کیلئے ٹیم پاکستان بھیجنے کا فیصلہ کیا ہے تاہم ٹیم بھیجنے کی حتمی تاریخ کا اعلان ابھی نہیں کیا گیا۔بھارتی میڈیا نے بتایاکہ پاکستانی تحقیقاتی ٹیم نے بھارتی ٹیم پاکستان بھیجنے کے فیصلے کا خیر مقدم کیا ہے۔