اسلام آباد(نیو زڈیسک)پاکستان کی ٹی ٹوئنٹی کرکٹ ٹیم کے کپتان شاہد خان آفریدی کے ستارے ان دنوں گردش میں ہیں ۔بھارت میں ہونے والے ورلڈ کپ میں انتہائی بری کارکردگی کے بعد جیسے انہوں نے واپس آکر اپنے ویڈیو پیغام کے ذریعے عوام سے معافی مانگی ہے اور کہا کہ وہ صرف عوام کو جوابدہ ہیں ان کی باتوں سے لگتا ہے کہ وہ سیاست میں قدم رکھنے والے ہیں ۔ایک نجی ٹی وی پروگرام میں یہ انکشاف ہوا ہے کہ شاہد خان آفریدی پاکستان تحریک انصاف کو جوائن کرنے جارہے ہیں ۔یاد رہے کہ کولکتہ کے ایڈن گارڈن سٹیڈیم میں ہونے والے پاک بھارت میچ سے پہلے عمران خان نے ان سے ملاقات کی تھی۔شنید ہے کہ شاہد آفریدی آنے والے چند دنوں میں تحریک انصاف کے قافلے میں شامل ہوجائینگے۔