اسلام آباد(نیوز ڈیسک) پاکستان تحریک انصاف کے چیئرمین عمران خان آج اہم پریس کانفرنس کریںگے۔ میڈیا رپورٹس کے مطابق عمران خان آج شام5 بجے بنی گالہ میں اپنی رہائش گاہ پر پریس کانفرنس کریں گے جس میں ممکنہ طور پر پاکستان تحریک انصاف کے انٹرا پارٹی انتخابات پر میڈیا کو بریفنگ دی جائے گی۔ ذرائع کا کہنا ہے کہ عمران خان پریس کانفرنس کے دوران بلوچستان سے بھارتی خفیہ ایجنسی ”را“ کے ایجنٹ کل بھوشن یادیو کی گرفتاری اور اس کے انکشافات کے حوالے سے وزیر اعظم اورحکومتی وزراءکی خاموشی پر بھی بات چیت کریں گے جبکہ پاکستان کیخلات ایرانی سرزمین استعمال ہونے پر پارٹی کا موقف دیں گے۔ اس کے علاوہ سانحہ لاہور کے ذمہ داروں اور ملکی سکیورٹی صورت حال پر بھی بات کریں گے اور قومی کرکٹ ٹیم کی ناقص کارکردگی اور اختلافات بھی زیر بحث لائیں گے۔