پشاور(این این آئی)صوبائی دارلحکومت پشاور میں خون خوار چوہے بے قابو ہوگئے ہیں ،پشاورکے علاقہ حسن گھڑی میں چوہے نے تین سالہ بچی کو کاٹ لیا ۔پشاورمیں چوہوں کی تعداد میں مسلسل اضافے اوربچوں کے کاٹنے واقعات کی روک تھام کیلئے انتظامیہ کوالرٹ کردیا ہے ۔گزشتہ رات پشاورکے علاقہ حسن گھڑی میں چوہے نے بچی کی انگلی کاٹ لی۔ تین سالہ عقصہ کورات گئے چوہے نے کاٹ ڈالا ۔ اس سے قبل بھی اسی علاقے میں چوہے کے کاٹنے سے بچہ جاں بحق ہوگیاتھا۔ پشاورکی ضلعی حکومت نے چوہوں کے سر وں کی قیمت تومقررکردی لیکن فنڈزفراہم نہیں کئے جس کی وجہ سے چوہوں کیخلاف آپریشن نہیں کیاجاسکا۔ دوسری جانب کنٹونمنٹ بورڈ نے فی چوہامارنے پرتین سو روپے انعام مقرر کردیا ہے۔ کنٹونمنٹ بورڈ کے مطابق مہم دو ماہ تک چلائی جائے گی جس میں زہریلے چوہوں کو مارنے پر انعام دیا جائے گا