اسلام آباد (نیوز ڈیسک) گزشتہ روز نیشنل پریس کلب میں اس وقت دلچسپ صورتحال پیدا ہو گئی جب نیشنل پریس کلب اور وزارت اطلاعات ونشریات کے تعاون سے چار روزہ’’ تنازعات اور دہشت گردی ‘‘کے حوالے سے ورکشاپ میں وفاقی وزیر اطلاعات ونشریات پرویز رشید سرٹیفیکیٹ تقسیم کرنے آئے تو پریس کانفرنس میں حکومت مخالف سوال کرنے کے بعد عتاب کا شکار بننے والے سرکاری ادارے اے پی پی میں بطوررپورٹر کام کرنے والے صحافی نصیب الہیٰ نے وزیر اطلاعات ونشریات سے شکوہ کرتے ہوئے کہا کہ ’’ سوال کرنے سے قبل حالات بہتر تھے اب ادارے نے رپورٹر سے ہیڈ کلرک بنادیاہے صرف ہاتھ ملانے آیا ہوں آپ سے سرٹیفیکیٹ نہیں لوں گا ‘‘ جس پر وفاقی وزیر مسکرا دئیے اور کوئی جواب نہ دیا۔