اسلام آباد(نیوزڈیسک)وفاقی وزیر اطلاعات سینیٹر پرویز رشید نے کہا ہے کہ بھارتی جاسوس کل بھوشن یادیو کا معاملہ تفتیشی مراحل میں ہے ، اسکے بارے میں فیصلہ عدالت نے کرنا ہے وزیراعظم نواز شریف قومی ذمہ داریوں سے آگاہ ہیں اور طویل عرصے سے یہ ذمہ داریاں احسن انداز میں ادا کر رہے ہیں ۔ منگل کو ڈی جی آئی ایس پی آر کے ہمراہ مشترکہ پریس کانفرنس کے دوران وزیر اطلاعات نے کہا کہ پاکستان میں ضرب عضب کے ساتھ جتنے بھی آپریش ہو رہے ہیں وہ انٹیلی جنس کی بنیاد پر کئے جاتے ہیں جن میں سول اور سیکیورٹی ایجنسیوں کی اطلاعات شامل ہوتی ہیں جس جگہ بھی کارروائی کی جاتی ہے اس کا فیصلہ صوبائی حکومت کرتی ہے کہ کارروائی کیلئے کس فورس کو استعمال کرنا ہے اور کتنی تعداد میں کرنی ہے بعض جگہوں پرصرف پولیس کارروائی کرتی ہے بعض جگہوں پر پولیس اور رینجرز کارروائی کرتی ہیں اور جہاں ضرورت محسوس کی جاتی ہے وہاں پاک فوج استعمال کی جاتی ہے ۔ ایک سوال کے جواب میں وزیر اطلاعات نے کہا کہ بھارتی جاسوس کل بھوشن یادیو کا معاملہ ابھی تفتیشی مراحل میں ہے یہ معاملہ عدالت میں جانا ہے اور عدالت نے فیصلہ کرنا ہے انہوں نے کہا کہ بھارتی جاسوس کل بھوشن یادیو کے حوالے سے پاکستان نے اپنی مروجہ ذمہ داری پوری کی ہیں اور دنیا میں مروجہ طریقے ہیں ان کو اختیار کیا ہے بھارتی سفیر کو بلا کر وزارت خارجہ نے احتجاج کیا انہوں نے کا کہ وزیراعظم نواز شریف اپنی قومی ذمہ داریوں سے آگاہ ہیں اور وہ طویل عرصے سے یہ ذمہ داریاں احسن انداز میں ادا کر رہے ہیں۔