جمعرات‬‮ ، 27 فروری‬‮ 2025 

اسے کہتے ہیں انصاف! خیبر پختونخوامیں وہ اعلان ہوگیا جس کیلئے بلوچستان50سال سے ترس رہاہے

datetime 28  مارچ‬‮  2016
ہمارا واٹس ایپ چینل جوائن کریں

پشاور(نیوز ڈیسک) وزیر اعلیٰ خیبرپختونخوا پرویز خٹک نے کہا ہے کہ موجودہ حکومت اختیارات کو نجی شعبے کی طرف منتقل کرنے کےلئے اقدامات کر رہی ہے اور اس مقصد کےلئے مختلف اداروں کے بورڈز میں نجی شعبہ کو نمائندگی دی گئی ہے تاکہ نجی شعبہ صوبے کی ترقی میں فعال کردار ادا کرسکے۔ وہ سول سیکرٹریٹ میں صوبائی کابینہ کے اجلاس کی صدارت کر رہے تھے۔ اجلاس میں صوبائی وزرائ، معاونین خصوصی، مشیر، چیف سیکرٹری اور انتظامی سیکرٹریوں نے شرکت کی۔ اجلاس میں آئندہ بجٹ کی تیاری، خود کفالت روزگار سکیم، پروفیشنل ٹیکس، پبلک سروس کمیشن، گلیات ڈویلپمنٹ ایکٹ اور ہائیڈل ڈویلپمنٹ فنڈز کے امور پر بحث کی گئی اور اس سلسلے میں کئی اہم فیصلے کئے گئے۔ اس موقع پر لاہور میں خود کش دھماکے میں شہید ہونے والوں کے درجات کی بلندی اور زخمی ہونے والوں کی جلد صحت یابی کےلئے دعا کی گئی۔ وزیراعلیٰ نے اگلے سالانہ بجٹ کے بارے میں ہدایات دیتے ہوئے کہا کہ آئندہ بجٹ کسی بھی صورت میں موجودہ بجٹ سے حجم کے لحاظ سے کم نہیں ہوگا۔ اسی طرح انہوں نے کہا کہ گیس رائلٹی کی مد میں ملنے والے فنڈز کا 50فیصد حصہ گیس پیدا کرنے والے اضلاع میں گیس کی فراہمی پر خرچ کیا جائے گا جبکہ باقی فنڈ کا 50فیصد حصہ دوسرے منصوبوں پر خرچ کیا جائے گا۔ وزیراعلیٰ نے کہا کہ ضلع کرک میں فلٹریشن پلانٹس کے ذریعے پینے کے صاف پانی پر توجہ دی جائے گی۔ وزیراعلیٰ نے محکمہ خزانہ کو فوری طور پر مختلف محکموں کو مختص ترقیاتی فنڈز جاری کرنے کا حکم دیا۔ انہوں نے کہا کہ خیبر پختونخوا میں ترقیاتی فنڈز کا استعمال دوسرے صوبوں کی نسبت بہت بہتر ہے۔ اس موقع پر ہائیڈل ڈویلپمنٹ فنڈز ایکٹ میں ترامیم، پروفیشنل ٹیکس میں اضافہ اور صوبائی پبلک سروس کمیشن کے استحکام کےلئے کیبنٹ کمیٹی کی رپورٹ کی منظوری دی گئی۔ واضح رہے کہ ملک کی گیس کی ضروریات کا بڑا حصہ بلوچستان سے پورا ہوتاہے لیکن پچاس سال سے زائد عرصہ گزر جانے کے باوجود بلوچستان میں اکثر علاقوں میں گیس دستیاب نہیں۔

آج کی سب سے زیادہ پڑھی جانے والی خبریں


کالم



نارمل ملک


حکیم بابر میرے پرانے دوست ہیں‘ میرے ایک بزرگ…

وہ بے چاری بھوک سے مر گئی

آپ اگر اسلام آباد لاہور موٹروے سے چکوال انٹرچینج…

ازبکستان (مجموعی طور پر)

ازبکستان کے لوگ معاشی لحاظ سے غریب ہیں‘ کرنسی…

بخارا کا آدھا چاند

رات بارہ بجے بخارا کے آسمان پر آدھا چاند ٹنکا…

سمرقند

ازبکستان کے پاس اگر کچھ نہ ہوتا تو بھی اس کی شہرت‘…

ایک بار پھر ازبکستان میں

تاشقند سے میرا پہلا تعارف پاکستانی تاریخ کی کتابوں…

بے ایمان لوگ

جورا (Jura) سوئٹزر لینڈ کے 26 کینٹن میں چھوٹا سا کینٹن…

صرف 12 لوگ

عمران خان کے زمانے میں جنرل باجوہ اور وزیراعظم…

ابو پچاس روپے ہیں

’’تم نے ابھی صبح تو ہزار روپے لیے تھے‘ اب دوبارہ…

ہم انسان ہی نہیں ہیں

یہ ایک حیران کن کہانی ہے‘ فرحانہ اکرم اور ہارون…

رانگ ٹرن

رانگ ٹرن کی پہلی فلم 2003ء میں آئی اور اس نے پوری…