اسلام آباد (نیوزڈیسک) یہ کونسی جمہوریت ہے جس میں رواں ماہ ہمارے 40 افرادلاپتہ ہوگئے ۔ان خیالات کا اظہار ایم کیو ایم کے پارلیمانی لیڈر ڈاکٹر فاروق ستار نے ایوان میں کھڑے ہوکرکیا۔ انہوں نے کہا کہ اس سے قبل 130 افراد غائب تھے ،یہ ناانصافی کب تک ہوگی۔ اس موقع پر سپیکر قومی اسمبلی سردار ایاز صادق نے انہیں بولنے کی اجازت نہ دی اور مائیک کھولنے سے ا نکار کردیا۔اپوزیشن لیڈر سید خورشید شاہ اور پی ٹی آئی کے پارلیمانی لیڈر شاہ محمود قریشی نے بھی سپیکر سے کہا کہ انہیں دو منٹ بولنے کی اجازت دی جائے مگر سپیکر نے کسی کی نہ سنی اور بولنے کی اجازت نہ دی۔