اسلام آباد(نیوز ڈیسک)کیپیٹل ایڈمنسٹریشن ااینڈ ڈویلپمنٹ کے وزیر ڈاکٹر طارق فضل چوہدری نے تسلیم کیاہے کہ دارالحکومت کے ہسپتالوں میں بستروں اور دیگر میڈیکل سہولیات کی کمی ہے ۔میڈیار پورٹس کے ایک مطابق پارلیمنٹ میں اپنے ایک تحریری جواب میں انہوں نے کہا کہ پاکستان انسٹی ٹیوٹ آف میڈیکل سائنسزکے تمام ڈیپارٹمنس میں بستروں کی شدید کمی ہے ۔انہوں نے کہا کہ1987میں پمز کو بزنس کیلیے کھولاگیاتھا اور اس کے دو ونگز تھے جن میں 500 بیڈ کا اسلام آباد ہسپتال اور150 بیڈ کا چلڈرن ہسپتال شامل تھا ۔انہوں نے کہا کہ وقت گزرنے کے ساتھ ساتھ نئے سروس ڈیلیوری ونگز کھولے گئے ۔انہوں نے کہا کہ فیڈرل گورنمنٹ سروس ہسپتال پولی کلینک میں بھی بستروں کی کمی ہے ۔پولی کلینک میں روزانہ 5 ہزار 6 ہزار مریض وزٹ کرتے ہیں اور یہاں صرف545 بیڈ(بسترے) ہیں۔