لاہور(نیوز ڈیسک)کراچی کے سابق ناظم مصطفی کمال 23مارچ کو اپنی سیاسی جماعت کے نام کا اعلان کرنے کے بعد پنجاب کا دورہ کرینگے،سیاسی جماعتوں سے الگ اور نظر انداز کئے جانےوالے رہنماﺅں کی مصطفی کمال کی جماعت میں شمولیت کا امکان ہے ۔ذرائع کے مطابق مصطفی کمال اور ان کے ساتھ شامل ہونے والے رہنما اپنی جماعت پر کسی ایک صوبے یا علاقے کی چھاپ کی بجائے اسے ملکی سطح کی پارٹی بنانے کی منصوبہ بندی کر رہے ہیں ۔ ذرائع کے مطابق مصطفی کمال کو یہ تجویز بھی دی گئی ہے کہ 2018ءمیں ہونے والے انتخابات میں حصہ لینے کے عمل کو ذہن سے نکال کر پہلے مضبوط بنیادوں پر پارٹی کی تنظیم کی جائے گی اور اس کے بعد ہونے والے انتخابات میں بھرپور حصہ لیا جائے ۔ ذرائع کے مطابق مصطفی کمال 23مارچ کو پارٹی کا اعلان کرنے کے بعد ملک بھر کے دوروں کا شیڈول مرتب کریں گے اوروہ پنجاب کا دورہ کریں گے ۔