اسلام آباد(نیوز ڈیسک )کراچی میں رینجرزکی کارروائیوں نے ایم کیو ایم کی بطور پارٹی آمدن اور اثاثوں میں 60فیصدتک کمی کردی 2013 ء میں 33کروڑ روپے سے زائد آمدن کمانے والی پارٹی 2014میں اکیس کروڑ روپے تک رہ گئی ۔متحدہ قومی موومنٹ (ایم کیوایم )نے چندوں ،شہداء فنڈزاور بنکوں میں موجود اکاؤنٹس سے سال 2013-14میں 21کروڑ88لاکھ28ہزار844روپے کمائے جبکہ کے اثاثوں کی مالیت 2013-14میں چارکروڑ78لاکھ56ہزار966روپے رہی ۔پلڈاٹ کی جانب سے جاری کردہ رپورٹ میں بتایاگیاہے کہ ایم کیوایم نے سال 2014میں پارٹی آمدن کا98فیصدچندوں سے کمایا اور دوفیصدآمدن شہداء فنڈزاور بنک منافع سے حاصل کی ہے ۔ایم کیوایم کی بطورپارٹی 2008میں آمدن 1کروڑ27لاکھ7ہزار 942روپے تھی اور آثاثوں کی مالیت 37لاکھ 25ہزار 456روپے رہی ،یہ آمدن 2009میں بڑھ کرسات کروڑ70لاکھ 45ہزار 891روپے ،دوہزار گیارہ میں یہ 14کروڑ روپے ،دوہزاربارہ میں 31کروڑ روپے سے زائد اور یہ آمدن بڑ ھ کر33کروڑ روپے سے بھی بڑھ گئی ،پارٹی اثاثوں کی مالیت دوہزار چودہ میں دس کروڑ روپے سے بھی زائد رہی ۔