لاہور(نیوزڈیسک) واپڈا لیبر یونین کی تقریب سے خطاب کے دوران وفاقی وزیر پانی وبجلی خواجہ محمد آصف کی دلچسپ گفتگو سے شرکاءمحظوظ بھی ہوتے رہے۔وفاقی وزیر خواجہ آصف نے کہا کہ اگر آپ کام نہیں کریں گے تو لو گ آپ کو نہیں بلکہ مجھے گالی دیں گے کیونکہ آپ کو کوئی نہیں جانتا جبکہ مجھے سارا پاکستان جانتا ہے ، لوگ مجھے مفت میں گالیاں نکالتے ہیں اور دل پشوری کر تے ہیں ،اب موسم گرما آنے والا ہے اور رمضان بھی آنیوالا ہے تو اس لیے اب میری عزت آپ لو گوں کے ہاتھ میں ہے ۔ وفاقی وزیر کی دلچسپ گفتگو سے تقریب کشت زعفران بن گئی اور تمام شرکاءبھرپور قہقے لگاتے رہے۔انہوں نے مزید کہا کہ اب جب پاکستان میں لو ڈ شیڈنگ کا دورانیہ بہت حدتک کم ہو چکا ہے لیکن میڈیا پھر بھی اس کی خبریں نہیں دیتا لیکن جب بجلی نہ آ رہی ہو تو دسمبر کی سردیوں میں کیے گئے پر انے احتجاجوں کی فلمیں بھی چلا دیتا ہے ۔