اسلام آباد(نیوز ڈیسک ) ایم کیو ایم کے گرد گھیرا تنگ کرنے کیلئے ایک اور قدم ۔ ایف آئی اے کا سرفراز مرچنٹ اور مصطفیٰ کمال سے رابطہ ۔ متحدہ کے خلاف الزامات کے شواہد پر تبادلہ خیال۔ ذرائع کے مطابق سرفراز مرچنٹ سے متحدہ پر الزامات کے حوالے سے بات لندن میں ڈائریکٹر ایف آئی اے انعام غنی نے کی اور انہیں اسلام آباد آنے کی دعوت دی ۔ مرچنٹ نے قانونی معاونین سے مشاورت کے بعد پیر تک جواب دینے کا وعدہ کیا ۔ دوسری جانب سابق سٹی ناظم کراچی مصطفٰی کمال سے ڈائریکٹر ایف آئی اے سندھ شاہد حیات نے رابطہ کیا ۔ ذرائع کے مطابق آئندہ 24 گھنٹوں میں ایف آئی اے حکام اور مصطفیٰ کمال کی ملاقات متوقع ہے ۔