کراچی (نیوز ڈیسک ) سندھ اسمبلی کی ڈپٹی اسپیکر شہلا رضانے کہا ہے کہ نامعلوم افراد تو سنے تھے اب نامعلوم پارٹیاں بننا شروع ہوگئی ہیں۔سندھ اسمبلی سے اجلاس سے قبل میڈیا کے نمائندوں سے بات کرتے ہوئے سندھ اسمبلی کی ڈپٹی اسپیکرشہلا رضا نے کہا کہ مصطفی کمال نے ہوم ورک اچھا نہیں کیا تھا، ایسے بہت سے ڈرامے دیکھے ہیں، نامعلوم افراد تو سنے تھے اب نامعلوم پارٹیاں بننا شروع ہوگئی ہیں ۔ پاکستان کے جھنڈے کو پارٹی کا جھنڈا نہیں بنایا جاسکتا جب کہ جھنڈے کو پارٹی جھنڈے کے طور پر استعمال کرنا جرم سمجھتے ہیں۔سیکیورٹی اداروں کو اس معاملے پر کارروائی کرنی چاہیے۔شہلا رضا نے کہا کہ مصطفی کمال کے سابق وفاقی وزیرداخلہ رحمان ملک اوردیگر لوگوں پرالزامات کی تحقیقات ہونی چاہیے، پیپلزپارٹی نے پہلے بھی سہولت کار کی مخالفت کی اور آج بھی مخالفت کرتی ہے جب کہ جن لوگوں نے سہولت کار کا کردار ادا کیا ان کو مصطفی کمال بھول گئے ہیں۔