لاہور (نیوزڈیسک) جماعت اسلامی لاہور کے زیر اہتمام ممتازقادری کو پھانسی دینے کے خلاف وحدت روڈ لاہور پر احتجاجی مظاہرہ ہوا۔جس کی قیادت جماعت اسلامی صوبہ پنجاب کے امیر میاں مقصود احمد،جمعیت طلبہ عربیہ کے منتظم اعلیٰ مولانا عبیدالرحمان عباسی،امیر جماعت اسلامی لاہورذکراللہ مجاہد،نائب امیر جماعت اسلامی صوبہ پنجاب مولانا جاوید قصوری، منتظم پنجاب جمعیت طلبہ عربیہ مولاناعمروقاص اور دیگر قائدین نے خطاب کیا۔میاں مقصوداحمد ،ذکراللہ مجاہد نے کہاکہ ریمنڈڈیوس جوبلیک واٹر کااہم قائد تھا نے دن دیہاڑے تین قیمتی جانوںکوشہید کیا اور عزت واحترام کے ساتھ حکومت پاکستان نے اسے واپس امریکہ کے حوالے کیا تھا جبکہ ناموس رسالت کی خاطر ایک شاتم رسول کوقتل کرنے کے الزام میں ممتازقادری کوپھانسی کی سزادیناکہاں کاانصاف ہے۔جے آئی یوتھ لاہور کے صدرشاہد نوید ملک نے ممتازقادری کی شہادت کے حوالے سے نکالے گئے پی پی 143شالیمار لنک روڈ،پی پی 151گلاب دیوی چوک فیروزپور روڈاورپی پی149بند روڈ پراحتجاجی مظاہروں کی قیادت کی۔ جماعت اسلامی لاہور آج ( منگل ) 5بجے سہ پہر گلشن راوی مون مارکیٹ میںغائبانہ نمازجنازہ اداکریگی۔