راولپنڈی (نیوز ڈیسک ) سابق گورنر پنجاب سلمان تاثیر کو قتل کرنے والے مجرم ممتاز قادری کو آج صبح تختہ دار پر لٹکا دیا گیا۔ تفصیلات کے مطابق سابق گورنر پنجاب کے قاتل ممتاز قادری کو اڈیالہ جیل میں آج صبح تختہ دار پر لٹکا دیا گیا۔دوسری جانب ممتاز قادری کی پھانسی کے خلاف فیض آباد انٹرچینج پر حمایتی احتجاج کیے ہوئے ہیں، احتجاج کے پیش نظر راولپنڈی اسلام آباد میں میٹروبس سروس بند کردی گئی۔ جبکہ لاہور میں بھی ممتاز قادری کی پھانسی کے خلاف ٹھوکر نیاز بیگ پر ان کے حمایتی سراپا احتجاج ہیں۔ جس کے بعد ممتاز قادری کی میت ورثا ئ کے حوالے کر دی گئی ہے، ممتاز قادری کی نماز جنازہ کا وقت تبدیل کر دیا گیا جس کے بعد اب ممتاز قادری کی نماز جنازہ آئندہ کل دوپہر 2 بجے لیاقت باغ راولپنڈی میں اداکی جائے گی۔