اسلام آباد(نیوز ڈیسک)وفاقی وزیر داخلہ نے دودھ میں ملاوٹ اور انجکشنز کے تحت مویشوں کا دودھ لینے کا نوٹس لیتے ہوئے وفاقی انتظامیہ کو حکم دیا کہ دوکانوں اور باڑوں میں چھاپے مار کر دودھ فروشوں کے خلاف سخت کارروائی کی جائے ۔ایڈیشنل ڈپٹی کمشنر نے پوش سیکٹر کی مارکیٹ میں چھاپے مار کر دو بیکریاں ایک ریستوران اور ایک دودھ فروش کی دوکان کو سیل کر کے گرفتار کر لیا ہے ۔ایڈیشنل ڈپٹی کمشنر عبدالستار ایسانی ، اے سی سٹی کامران چیمہ ، اور دیگر افسران کے سپر مارکیٹ میں چھاپے مارے اور دودھ میں یوریا کھاد پائے ودیگر اشیاء ملانے پر دوکاندار کو موقع سے ہی گرفتار کر کے پابند سلاسل کر دیا ۔جبکہ دوسری جانب ناقص صفائی پر یونائیٹڈ بیکری ،سارواج ریسٹورنٹ کو بھی سیل کر دیا گیا ۔وزارت داخلہ ذرائع سے معلوم ہوا کہ وفاقی وزیر داخلہ کو ایک درخواست ملی کہ شہر میں ناقص دودھ کے علاوہ بیمار مویشیوں کا ایک انجکشن کے ذریعے دودھ نکالا جاتا ہے جو کہ نہ صرف مویشی کی صحت کے لیے کافی نقصان دہ ہے بلکہ دودھ استعمال کرنے والے بھی مہلک بیماریوں میں مبتلا ہو رہے ہیں ۔درخواست پر وفاقی وزیر داخلہ چوہدری نثار علی خان نے سوموٹو لیکر ضلعی انتظامیہ کو احکامات دیے کہ فوری طور ایسے جرم میں مرتکب افراد کے خلاف فوری کارروائی کی جائے ۔