لاہور(نیوزڈیسک)شہبازشریف کا نمبر آگیا،تہلکہ خیز انکشافات،کروڑوں روپے ناجائزکاموں پر اڑادیئے،آڈیٹر جنرل آف پاکستان نے وزیر اعلیٰ شہباز شریف کے بیرونی دوروں پر کروڑوں روپے کے سرکاری اخراجات کو ناجائز قرار دیدیا۔ 15-2014 ءکی آڈٹ رپورٹ میں آڈیٹر جنرل آف پاکستان نے چین کے دوروں کے مقاصد بھی غیر واضح قرار دیدئے۔ نجی ٹی وی کے مطابق وزیر اعلیٰ اور ان کے ساتھی چین میں سٹیٹ گیسٹ تھے، کمروں کے کرائے کی مد میں بھی لاکھوں روپے وصول کر لئے گئے۔ چین کے دوروں کے لئے 1 کروڑ 23 لاکھ روپے کی ایڈوانس ادائیگی کی گئی، کھانے اور رہائیش حکومت چین کے ذمے تھی۔4 برس کے دوروں کی مفصل انکوائری کا فیصلہ کیا گیا ہے، کروڑوں کے اخراجات کی بھی مزید چھان بین ہو گی۔ اخراجات چھپانے کے لئے وزیر اعلیٰ آفس کا بجٹ استعمال کرنے کی بجائے پنجاب بورڈ آف ٹریڈ سے فنڈز کا اجراءکیا گیا۔ دوروں کے نتیجے میں پنجاب کو کیا ملے گا، بورڈ حکام اس بارے میں کلیتاً لاعلم ہیں۔ وزیر اعلیٰ کی ہدایت پر ادائیگیاں کر دی گئیں۔آڈٹ رپورٹ کے مطابق وفد میں شامل افسروں کی بھی موجیں ہوتی رہیں، 30 فیصد کی بجائے 100 فیصد ڈیلی الاو¿نس لئے گئے۔ اخراجات کی فائلوں میں بیشتر رسیدیں اور متعلقہ دستاویزی ثبوت بھی موجود نہیں ہیں۔