اسلام آباد (نیوزڈیسک)وزیراطلاعات ونشریات سینیٹر پرویزرشیدنے کہاہے کہ وزیراعلیٰ سندھ سیدقائم علی شاہ نے وزیراعظم نوازشریف سے کہاکہ ان کی طبیعت ٹھیک نہیں ،آرام کرناچاہتے ہیں ،وزیراعظم نے وزیراعلیٰ کے منتخب کردہ لوگوں کی تعریف کی ہے تویہ حکومت سندھ کی تعریف ہے ۔نجی ٹی وی سے گفتگوکرتے ہوئے انہوں نے کہاکہ رینجرزان ہی اختیارات کے تحت کام کررہی ہے جوسندھ حکومت نے مانگے تھے ،سندھ حکومت نے جومانگاوہ دیدیاہے ۔انہوں نے کہاکہ وزیراعظم نے سب کی تعریف کی اگرچیف سیکرٹری اورآئی جی کی تعریف کی تووہ وزیراعلیٰ کے چنے ہوئے ہیں یہ حکومت سندھ ہی کی تعریف ہے