لاہور (نیوزڈیسک)ویڈیو سکینڈل ،رانا مشہود احمد خاں بڑی مشکل میں پھنس گئے مگر جواب تودینا ہی ہوگا۔ نیب کی تفتیشی ٹیم نے ویڈیو سکینڈل کیس میں صوبائی وزیر تعلیم رانا مشہود احمد خاں کو طلب کر کے الزامات سے آگاہ کر دیا ،الزامات کے حوالے سے جلد تحریری جواب جمع کرانے کی ہدایت کر دی ۔ نیب ذرائع کے حوالے سے بتایا گیا ہے کہ نیب لاہور کی جانب سے وزیر تعلیم پنجاب رانا مشہود احمد کے خلاف ویڈیو سکینڈل اور پنجاب یوتھ فیسٹیول کے حوالے سے انکوائری کی جا رہی ہے اسی سلسلے میں صوبائی وزیر کو نیب لاہور کی جانب سے طلب کیا گیا تھا جس پر گزشتہ روز رانا مشہود احمد نیب لاہور میں تفتیشی ٹیم کے سامنے پیش ہوئے جہاں انہیں الزمات کے حوالے سے آگاہ کیا گیا ۔ رانا مشہود احمد کو الزامات کے حوالے سے جلد تحریری جواب جمع کرانے کی ہدایت کر دی گئی ۔اس حوالے سے رانا مشہود احمد کا کہنا تھا کہ تمام الزامات سیاسی بنیادوں پرلگائے گئے ۔ نیب کی جانب سے الزامات کے حوالے سے سوال نامہ دیا گیا ہے ، اپنے وکلاءسے قانونی مشاورت کے بعد تحریری جواب جمع کرا دیں گے ۔