اسلام آباد(نیوزڈیسک) پیپلزپارٹی کے ناراض رہنماءاور سابق وزیرداخلہ سندھ ڈاکٹر ذوالفقار مرزا نے انکشاف کیا ہے کہ سندھ بجٹ میں سے 80 ارب روپے سالانہ سابق صدرآصف زرداری نے وصول کر رہے ہیں۔ انہوں نے کہاکہ سندھ کے وزیر خزانہ مراد علی شاہ کے ذمہ یہ ڈیوٹی ہے کہ وہ سندھ بجٹ میں سے 14 فیصد آصف علی زرداری کو دیں۔ایک نجی ٹی وی چینل سے گفتگوکرتے ہوئے ڈاکٹر ذوالفقار مرزا نے کہاکہ سندھ حکومت کوئی نہیں چلا رہا لیکن مزے آصف زرداری لوٹ رہا ہے سندھ حکومت کا ہر منٹ کروڑوں روپے کا ہے۔ سندھ کے وزیر خزانہ مراد علی شاہ کے ذمہ یہ ڈیوٹی ہے کہ وہ سندھ بجٹ میں سے 14 فیصد آصف علی زرداری کو دیں جو کہ تقریباً 80 ارب روپے سے زیادہ بنتا ہے جو وزیر خزانہ سالانہ ان کو دے رہے ہیں یہ ایک منسٹری کا حصہ ہے۔ سندھ حکومت کے ہر شعبے میں کرپشن ہے اور اس کرپشن کا 80 فیصد حصہ آصف علی زرداری کو جاتا ہے اور 20 فیصد وزراء ، سیکرٹریوں اور نچلے عملے میں تقسیم کیا جاتا ہے۔انہوں نے کہاکہ سندھ میں اب بھی تبادلے دبئی یابلاول ہاﺅس کے کہنے پرہورہے ہیں ۔