کراچی (نیوزڈیسک) وفاقی حکومت نے ہر صورت میں رینجرز اختیارات میں توسیع کروانے کا فیصلہ کرلیا ہے۔ کراچی میں رینجرز کے اختیارات میں توسیع کا معاملے پر وفاق نے ابھی تک تحفظ پاکستان ایکٹ سمیت دیگر قوانین کے استعمال پر غور شروع نہیں کیا۔ ذرائع کے مطابق صوبائی حکومت کی جانب سے صاف جواب ملنے تک وفاق انتظار کرے گا۔گزشتہ روز بھی جمعہ کے دن سیکورٹی اداروں کے احکامات کے باعث نماز جمعہ کے اوقات میں ملک بھرمیں متعدد علاقوں میں موبائل فون کے نیٹ ورک کی بندش کے بعد سندھ میں گورنر راج کی افواہیں گرد ش کرتی رہیں۔ذرائع کے مطابق کراچی میں رینجرز کے اختیارات میں توسیع کے معاملے پر وفاق نے ابھی تک تحفظ پاکستان ایکٹ سمیت دیگر قوانین کے استعمال پر غور شروع نہیں کیا۔ وفاق کو سندھ صوبائی حکومت کی جانب سے جواب ملنے کا انتظار ہے۔ سندھ حکومت کی طرف سے رینجرز کے اختیارات میں توسیع سے ممکنہ انکار کی صورت میں وفاق دیگر آپشن پر غور کرے گا۔ذرائع وفاقی حکومت کے مطابق کراچی میں رینجرز کے اختیارات میں ہر صورت توسیع کروائی جائے گی۔ اس حوالے سے سندھ حکومت نے بھی اندرون خانہ رینجرز کے اختیارات میں توسیع کی یقین دہانی کروا رکھی ہے۔