اسلام آباد(نیوزڈیسک) وفاقی وزیرپانی وبجلی خواجہ محمد آصف نے وزیر اعظم کے وعدے ہوا میں اڑا دئیے۔ حکومت نے بلدیاتی الیکشن کے فورا ً بعد ہی بجلی بحران کے خاتمے کی تاریخوں سے یکمشت ہی جان چھڑالی۔ نیشنل واٹر پالیسی سیمینار میں وزیر پانی و بجلی خواجہ آصف کا خطاب عوام پر بجلی بن کر گرا۔ 6 ماہ کی طرح 2018 کے حکومتی وعدے کو بھی روندا اور کہا بجلی بحران 4 سے 5 سال میں حل کیا جا سکتا ہے۔ یہی نہیں خواجہ صاحب نے تو گھما پھرا کر بجلی اور پانی بحران کا ذمہ دار عوام کو ہی ٹھہرا دیا۔ کہتے ہیں بحران کی وجہ شاہ خرچیاں ہیں۔