اسلام آباد (مانیٹرنگ ڈیسک) سٹاف آفیسر عون چوہدری صاحب کی چھٹی ‘سابق سفیر طارق عزیز الدین بنی گالہ میں عمران خان کا آفس چلائیں گے‘مبشر احمد موبی بھی دوبارہ انٹرنل سیٹ اپ میں واپس ۔ان تبدیلیوں کا انکشاف سینئر صحافی نے نجی ٹی وی سے بات چیت کرتے ہوئے کیا۔ انہوں نے کہا کہ سٹاف آفیسر عون چوہدری صاحب کی چھٹی کر دی گئی ہے جن کے ذمہ عمران خان نے کس سے اور کب ملاقات کرنی ہے ‘کہاں آنا ہے ‘ کہاں جانا ہے اور دیگر معاملات کو دیکھتے تھے اب ان کی جگہ سابق سفیر طارق عزیز الدین جو پاکستان کے سفیر تھی ترکی میں پھر افغانستان میں اور انہیں 2008ءمیں طالبان نے اغواءکر لیا تھا اب بنی گالہ میں عمران خان کا آفس چلائیں گے‘ریحام خان سے شادی کے بعد جن افراد کی بنی گالہ آنے پر پابندی لگا دی گئی تھی ان میں مبشر احمد موبی بھی تھے جنہیں اب دوبارہ انٹرنل سیٹ اپ میں واپس بلایا گیا ہے اور عمران خان کے چیف سٹاف کی حیثیت سے اپنی ذمہ دایاں نبھائیں گے یہ ساری تبدیلیاں بلدیاتی انتخابات میں لگنے والے چوٹ کو ریکور کرنے اور ریحام خان کے جانے کے بعد کی گئی ہیں۔ عمران خا ن کی بہن عظمیٰ خان بھی بنی گالہ میں واپس آ ئیں گی اور عمران خان کے انٹرنل معاملات کو دیکھیں گی۔ سینئر صحافی نے کہا کہ جہانگیر ترین کا جہاز اور گاڑی عمران خان شکریہ کے ساتھ انہیں واپس کر رہے ہیں کیونکہ اس وجہ سے ان پر بہت زیادہ تنقید کی جاتی تھی اور اس کے بعدایک نئی حکمت عملی عمران خان کے آنے جانے کیلئے اپنائی گئی وہ یہ ہے کہ تحریک انصاف سے وابستہ 25 سے 30 ڈونرز جو ممبر بھی ہیں تحریک انصاف کے اب عمران خان کو جہاز اور گاڑی مہیا کریں گے۔ انہوں نے کہا کہ تنظیمی تبدیلیوں میں سیکرٹری جنرل جہانگیر ترین اورسیکرٹری اطلاعات نعیم الحق کے اوپر بھی کالے بادل آئے ہوئے ہیں اور دیکھنا یہ ہے کہ وہ اپنے عہدوں پر کتنی دیر تک برقرار رہ سکتے ہیں۔