اسلام آباد(نیوزڈیسک)نندی پورپاﺅرپراجیکٹ جوکہ ان دنوں ایک معمہ بناہواہے اوراس کواب ایک اورغیرملکی کمپنی کے حوالے کردیاگیاہے لیکن اب نندی پور پاور ہاﺅس فنی خرابی کی وجہ سے بند ہو گیا، 425 میگاواٹ بجلی سسٹم سے نکل گئی ہے۔نیشنل ٹرانسمیشن اینڈ ڈسپیچ کمپنی کے ذرائع کے مطابق انجینئرز خرابی دور کرنے کی کوشش کر رہے ہیں۔این ٹی ڈی سی ذرائع کے مطابق نندی پور پاور ہاﺅس ایک بار پھر فنی خرابی کی وجہ سے بند ہو گیا ہے اور 425 میگاواٹ بجلی سسٹم سے نکل گئی ہے، 12 گھنٹے بعد بھی خرابی دور نہ ہو سکی۔انتہائی معتبرذرائع کا کہنا ہے کہ بوائلر میں خرابی آئی ہے۔ چیف انجینئر نندی پور طارق بھٹی کے مطابق خرابی معمول کی بات ہے جسے دور کرنے کی کوشش کر رہے ہیں، اگلے چند گھنٹے میں پلانٹ ٹھیک ہو جائے گا اوربجلی کی پیداور بحال ہو جائے گی۔واضح رہے کہ اپوزیشن نے اس وقت نندی پورپاورپراجیکٹ پرکئی سوالات اٹھارکھے ہیں ۔