اسلام آباد ((نیوزڈیسک) ایس ڈی پی آئی سروے کے مطابق پاکستان کا سب سے زیادہ کرپٹ محکمہ پولیس کا ہے جبکہ دوسرا نمبر واپڈا کا ہے،آئندہ الیکشن میں تحریک انصاف پہلے اور مسلم لیگ (ن) دوسرے نمبر پر رہے گی، پاکستان کے اندر دہشت گردی میں پہلا نمبر انڈیا کا جبکہ دوسرا امریکہ کا ہے، چائنا پاکستان کا بہترین دوست ہے، گزشتہ تین سالوں میں ملک کی مجموعی سیکورٹی کی صورت حال میں بہتری آئی ہے، سروے کے مطابق پاکستان کا سب سے بڑا مسئلہ بے روزگاری ہے،کار کردگی کے حوالے سے چاروں صوبوں کے وزارء اعلیٰ میں سے پہلا نمبر وزیراعلیٰ خیبر پی کے کا ہے جبکہ دوسرا نمبر پنجاب کے وزیر اعلیٰ کا ہے، تین سالوں میں حکومت مہنگائی پر کنٹرول کرنے میں ناکام ہوئی، لوڈشیدنگ آج بھی ویسی ہی ہے جیسی تین سال قبل تھی، پاک چین اقتصادی راہ داری منصوبہ گیم چینجر ثابت ہو گا، دھرنے کی وجہ سے سب سے زیادہ متاثر ہونے والی سیاسی جماعت مسلم لیگ (ن) ہے جبکہ دوسرا نمبر تحریک انصاف کا ہے، سروے کے مطابق رینجرز اور آرمی کرپشن کو کنٹرول کر سکتی ہے، تین سالوں میں ہونے والی معاشی ترقی سے عوام مطمئن نظر نہیں آتی، حالیہ تین سالوں کے دوران حکومت انرجی کے بحران پر قابو پانے میں ناکام رہی ہے سندھ اور بلوچستان کے وزارء اعلیٰ کی کارکردگی بدتر ہوتی جا رہی ہے لوکل گورنمنٹ نظام ضرور ہونا چاہیے، جماعتی بنیادوں پر ہونے والے بلدیاتی انتخابات میں عوام انہی جماعتوں کو ووٹ دے گی جن کو عام انتخابات میں دئیے ہیں، تحریک انصاف کے دھرنے سے اقتصادی ترقی متاثر ہوئی ہے جب کہ دھرنے کے حوالے سے جوڈیشل کمشن کی رپورٹ نے تحریک انصاف کی ساکھ کو بہت زیادہ نقصان پہنچایا ہے جبکہ دوسرا نمبر مسلم لیگ (ن) کا ہے۔ ملکی مجموعی سکیورٹی کی صورت حال میں بہتری آئی ہے سکیورٹی کی بہتری کے حوالے سے پنجاب پہلے نمبر پر جبکہ خیبر پی کے دوسرے نمبر پر ہے ملک کی سیکورٹی فوج ہی بہتر بنا سکتی ہے۔