لاہور(نیوزڈیسک) وزارت داخلہ نے وزیر اعظم نواز شریف اور امیر جماعة پروفیسر حافظ سعید پر بھارتی خفیہ ایجنسی ”را “کی جانب سے حملے کا خدشہ ظاہر کر دیا ،” را “ کارروائی کے لئے تحریک طالبان پاکستان اور لشکر جھنگوی کو استعمال کر سکتی ہے ۔میڈیا رپورٹس کےمطابق وزارت داخلہ پنجاب نے آئی جی پنجاب ، ایڈیشنل آئی جی سی ٹی ڈی ، ایڈیشنل آئی جہ سپیشل برانچ اور کیپیٹل سٹی پولیس آفیسر اور ڈی آئی جی وی وی آئی پی سکیورٹی کو ایک مراسلہ جاری کیا ہے جس میں وزیر اعظم نواز شریف اور امیر جماعة الدعوة حافظ محمد سعید پر ” را “ کے حملے کا خدشہ ظاہر کیا ہے ۔ مراسلے میں اہم سیاسی شخصیت اور امیر جماعت الدعو ة کی سکیورٹی مزید سخت کرنے کا حکم دیا گیا ہے ۔مراسلہ کے مطابق ” را “ اس کاروائی کے لئے ملک میں موجوددو کالعدم تنظیموں کو استعمال کر سکتی ہے جن میں تحریک طالبان پاکستان اور لشکر جھنگوی شامل ہیں، مراسلے میں یہ بھی انکشاف ہوا ہے کہ ان دونوں کالعدم تنظیموں کو فنڈنگ ”را“کی طرف سے کی جارہی ہے۔ قانون نافذ کرنے والے اداروں نے اس حملے کی اطلاعات کے بعد ملک بھر میں وسیع پیمانے پر آپریشن کرنے کا بھی فیصلہ کیا ہے۔ دوسری جانب کالعدم تنظیموں کے مفرور ارکان کی گرفتاری کےلئے چھاپے مارنے شروع کر دیئے ہیں