اسلام آباد(نیوزڈیسک) وزیر خزانہ اسحاق ڈار سے اسلام آباد کے ہسپتالوں کی جوائنٹ ایکشن کمیٹی کے وفد کی ملاقات، وزیر خزانہ نے ڈاکٹروں کے ہیلتھ رسک الاؤنس کی بحالی کی یقین دہانی کرا دی۔ اسلام آباد میں ہونےوالی ملاقات میں وزیر خزانہ نے ڈاکٹروں کے مطالبات سنے، اس موقع پر وزیر خزانہ نے وفد کو بتایا کہ وزارت خزانہ اور وزارت کیڈ سے رائے طلب کی گئی ہے۔ اور معاملے کے حل کی پوری کوشش کی جائے گی۔ ملاقات میں ایم این اے طارق فضل چوہدری، سیکرٹری کیڈ اور چئیرمین ایف بی آر بھی موجود تھے۔ جبکہ جوائنٹ ایکشن کمیٹی
کی جانب سے وفد میں ڈاکٹر سجاد جنجوعہ، ڈاکٹر سرتاج علی خان، ریاض گجر اور راجا محمد الیاس شامل تھےِ۔