اسلام آباد(نیوزڈیسک)معاشی حالات کی گاڑی رکی توڈرائیونگ سیکھ لی۔ مختلف گاڑیوں کےبعد اینٹوں سے لداٹرک چلایا، میٹرو بس چلانے کاٹیسٹ پاس کرلیا، ڈرائیونگ اسکول بھی چلاتی ہیں، یہ عزم وہمت کی پیکرخاتون 53سالہ بیگم شمیم اختر ہیں جن کے معاشی حالات کی گاڑی رکنے لگی توانہوں نے پیشہ ورڈرائیور بن کر مشکلات کوشکست دینے کی ٹھان لی۔ رزقِ حلال کی تلاش میں شمیم نے وہ کردکھایا جو کرنا آسان نہیں۔ ان کا کہنا ہے کہ یہ ایک دودنوں کی بات نہیں، 2013ء سےٹرک چلا رہی ہوں، 7ہزار اینٹوں سے بھرا ٹرک چلا کر بہت فخر کرتی ہوں کہ خالص مردوں کا کام کر رہی ہوں،اسی کے ذریعے تین بیٹیوں کی شادی بھی کی۔ خاوندصنعت و پیداوار کی وزارت سے بطور مالی ریٹائر ہوا تو چار بچوں کی ماں نے پہلےڈرائیونگ سیکھی، پھر مختلف گاڑیاں چلا کراپنا اورخاندان کاپیٹ پالنےکےساتھ بچوں کوتعلیم بھی دلوائی۔ اسلام کے مضافات میں اینٹوں سے لدا ٹرک چلانے والی شمیم جڑواں شہروں میں چلنے والی میٹرو بس چلانے کا ٹیسٹ بھی پاس کر چکی ہیں۔ ان کاکہنا ہےکہ وہ پی ایس وی لائسنس حاصل کرنے والی پاکستان کی پہلی خاتون ہیں اور اب منتظر ہے سرکاری ملازمت کی۔ حالات کے نشیب و فراز سے مقابلہ کرتی شمیم بیگم نہ صرف پاکستانی خواتین بلکہ پورے معاشرے کے لیے اعظم و ہمت کی بہترین مثال ہیں