اسلام آباد (آن لائن)نئے چیف جسٹس آف پاکستان جسٹس جواد ایس خواجہ سےصدر مملکت نے اُردو میں حلف لیا۔پیر کے روز ایوان صدر میں نئے چیف جسٹس کی حلف برداری کی تقریب منعقد ہوئی جس میں وزیر اعظم نواز شریف،وفاقی وزراءاور تینوں مسلح افواج کے سربراہان نے شرکت کی ،صدر مملکت ممنون حسین نے چیف جسٹس آف پاکستان جسٹس جواد ایس خواجہ سے عہدے کیلئے اُردو میں حلف لیا۔واضح رہے کہ گزشتہ ماہ جسٹس جواد ایس خواجہ کی سربراہی میں بنچ نے ملک میں اُردوزبان کو تمام سرکاری دفاتر ،سینیٹ ،قومی اسمبلی ،وزیر اعظم ہاﺅس اور سپریم کورٹ سمیت تمام اداروں میں اُردوکو لازمی قرار دیتے ہوئے رائج العمل کا حکم سنایاتھا۔