اسلام آباد (نیوز ڈیسک )پاکستان کے سابق ڈپٹی اسپیکر قومی اسمبلی اور پاکستان تحریک انصاف کے سینئر رہنما قاسم خان سوری نے انکشاف کیا ہے کہ مالی دباؤ کے باعث وہ امریکا میں اوبر ڈرائیور کے طور پر کام کر رہے ہیں۔

ان کا کہنا ہے کہ انہوں نے ہمیشہ دیانت داری کو ترجیح دی اور آج بھی عمران خان کے نظریے سے وابستہ ہیں۔قاسم خان سوری نے گفتگو کے دوران بتایا کہ موجودہ حالات میں انہیں شدید مالی مشکلات کا سامنا ہے اور انہوں نے کبھی تصور بھی نہیں کیا تھا کہ روزگار کے لیے اوبر ڈرائیونگ کرنا پڑے گا۔ ان کے مطابق انہوں نے غلط راستہ اپنانے کے بجائے محنت اور ایمانداری سے روزی کمانے کو ترجیح دی۔انہوں نے مزید کہا کہ وہ اب بھی پاکستان تحریک انصاف کے سیاسی مؤقف پر قائم ہیں اور ملک میں انصاف، جمہوریت اور سیاسی حقوق کی جدوجہد جاری رکھے ہوئے ہیں، بالخصوص عمران خان اور ان کے اہلِ خانہ کو درپیش قانونی معاملات کے حوالے سے۔قاسم خان سوری کا کہنا تھا کہ 2018 سے قبل وہ کوئٹہ میں اپنے ذاتی گھر پر اہم سیاسی شخصیات کی میزبانی کیا کرتے تھے، جن میں عمران خان اور ڈاکٹر عارف علوی بھی شامل تھے۔

انہوں نے خود کو ایک متوسط طبقے سے تعلق رکھنے والا پاکستانی قرار دیا جو ہمیشہ عزت اور دیانت کے ساتھ زندگی گزارنے پر یقین رکھتا ہے۔

قاسم سوری جو سابق ڈپٹی سپیکر قومی اسمبلی تھے آج کل امریکہ میں اوبر گاڑی چلا کر گزارا کررہے ہیں کیونکہ پاکستان میں جھوٹے کیسز بنا کر انکی تمام جائیدادیں نیلام کردی گئی ہیں اور انکے بینک اکاؤنٹس منجمد کردیئے گئے ہیں
قاسم سوری اگر عمران خان کے خلاف گواہ بن جاتے تو آج وہ بھی شاید اس… pic.twitter.com/r8odL4AWia

— Niazi (@Faruqniazi) February 4, 2026