راولپنڈی(نیوزڈیسک) آئی ایس آئی کے سابق سربراہ جنرل ریٹائرڈ حمیدگل کو آہوں اورسسکیوں کے ساتھ سپرد خاک کر دیا گیا آئی ایس آئی کے سابق سربراہ جنرل ریٹائرڈ حمیدگل کی نماز جنازہ راولپنڈی ریس کورس گراﺅنڈ میں ادا کی گئی۔ نماز جنازہ میں آرمی چیف جنرل راحیل شریف سمیت متعدد عسکری اور سیاسی شخصیات نے شرکت کی انہوں آہوں اور سسکیوں کےساتھ سپرد خاک کر دیا گیا واضح رہے کہ جنرل (ر) حمید گل اہلخانہ کے ہمراہ مری میں تھے کہ بلڈ پریشر کم ہونے کے باعث انہیں برہین ہیمرج ہو گیا انہیں تشویشناک حالت میں مری کے سی ایم ایچ داخل کرایا گیا تاہم جانبر نہ ہو سکے۔ جنرل (ر) حمید گل 1956میں پاک فوج کا حصہ بنے اور 1992 میں آئی ایس آئی کے سربراہ کے طور پر ریٹائرڈ ہوئے۔ انہوں نے 65 اور 71کی جنگ میں بھی حصہ لیا۔ طالبان کی پیش قدمی اور افغان جنگ میں ان کا کردار انتہائی اہم سمجھا جاتا رہا ہے۔ پاکستانی سیاست میں بھی وہ سرگرم رہے۔ آئی جی آئی کی تشکیل میں موثر کردار ادا کیا۔ ریٹائرمنٹ کے بعد بھی وہ سیاسی اور سماجی فورمز پر متحرک رہے اور اپنی آرا کا برملا اظہار کرنے میں مشہور تھے۔