کراچی (نیوزڈیسک) بحریہ ٹائون کراچی کی یومِ آزادی تقریبات کا سلسلہ گزشتہ شام سے شروع ہوچکا ہے جس میں ناموارں فنکاروں کی گرمجوش پرفارمنس سمیت رات 12؍ بجے شاندار آتش بازی کا مظاہرہ بھی شامل تھا ، تقریب میں لاکھوں اہالیان کراچی نے شرکت کی اور خوب محظوظ ہوئے، شرکاء کے ہم آواز قومی ترانے کی گونج نے فضا کو گرما دیاجبکہ فیسٹیول میں شریک شرکاء نے کہا کہ بحریہ ٹاؤن نے ہماری نسلوں کو جذبہ آزادی سے روشناس کیا ۔ فیملی آزادی فیسٹیول بحریہ ٹائون کراچی میں آج صبح 11؍ بجے سے رات 11؍ بجے تک جاری رہے گا۔ بحریہ ٹائون نے پاکستان کی 68؍ ویں یومِ آزادی کے سلسلے میں 2؍ روزہ تقریب کا انعقاد کیا ہے جس میں رنگارنگ پرفارمنسز، میوزک ، انٹرٹینمنٹ ، فن ، فوڈ ، گیمز سمیت بچو ں کے لئے خصوصی کڈز ایریاز شامل ہیں جہاں جھولے ، پیپٹ شو، فیس پینٹنگ سمیت بے شمار گیمز شامل ہیں۔ فیسٹیول کا انعقاد خصوصی طور پر فیمیلز کے لئے کیا گیا ہے اور فیمیلز کا داخلہ مفت ہے۔ گزشتہ روز ابرارالحق ، فریحہ پرویز ، صنم ماروی ، بشریٰ انصاری اور بہروز سبزواری کی خصوصی پرفارمنسز ہوئیںیومِ آزادی کی یہ تقریبات بحریہ ٹائون کراچی میں آج بھی دن بھر جاری رہیں گی۔ اس سلسلے میں گفتگو کرتے ہوئے کراچی کے شہریوں کے چہرے خوشی سے تمتما رہے تھے۔ انہوں نے بحریہ ٹائون کی کاوشوں کو سراہا اور اظہارِ خیال کرتے ہوئے کہا کے ہمیں خوشی ہے کہ ہماری جس نسل نے خوف کی فضا میں آنکھ کھولی تھی آج وہ روشنیوں اور خوشیوں کی فضامیں پروان چڑھ رہی ہے ہمیں اُمید ہے کہ اس کا مستقبل بحریہ ٹائون کی کاوشوں کے صلے میں تابناک ہوگا آج باآواز بلند اور دل کی گہرائیوں سے قومی ترانہ اپنے ہموطنوں کے ساتھ گا کر ہمیں نئی زندگی کا احساس ہورہا ہے۔ اللہ نے بحریہ ٹائون کو اس شہر کی روشنیاں بحال کرنے کا ذمہ دے دیا ہے۔شرکاء نے بحریہ ٹائون سائٹ کا بھی وزٹ کیا اور جدید طرز تعمیر کو سراہا۔ اس موقع پر میڈیا سے گفتگو کرتے ہوئے بحریہ ٹائون کے وائس چیف ایگزیکٹو زین ملک نے کہا کہ لوگوں کے اس سمندر کا جوق در جوق ہماری آزادی تقریب میں شرکت اس امر کی غمازی ہے کہ کراچی پر امن لوگوں کا شہر ہے اور ہمیں خوشی ہے کہ ہم نے کراچی کے شہر یوں کے دل سے خوف کی دیوار گرادی ہے فیسٹیول کا مقصد کراچی کی عوام کو یومِ آزادی پاکستان کے سلسلے تفریح فراہم کرنے کے ساتھ ساتھ کراچی کا پُر امن تاثر اُجاگر کرنا ہے۔ فیملی آزادی فیسٹیول بحریہ ٹائون کراچی میں صبح 11؍ بجے سے رات 11؍ بجے تک جاری رہے گا –