قصور(نیوزڈیسک)ریحام خان کے مولانافضل الرحمان کے بارے میں بیان پر جمعیت علمائے اسلام کے کارکن مشتعل، بیان کی مذمتوں کاسلسلہ شروع- ریحام خان سیاست میں نہ آنے کی سب باتیں بھول گئیں۔ نان سٹاپ سیاسی اننگز میں اپنے سرتاج کو بھی پیچھے چھوڑ دیا۔ چپکے چپکے میدان سیاست میں قدم رکھنے والی ریحام خان سیاسی اور سماجی سطح پر تحریک انصاف کے دفاع میں بھی پیش پیش ہیں۔ قصور واقعہ کے بعد بھابھی ریحام خان طوفانی دوروں سے مخالفین کو ٹف ٹائم دے رہی ہیں۔ دس اگست کو متاثرین کی داد رسی کے بعد وہ آج پھر حسین والا پہنچ گئیں اور طنز کے تیر بھی خوب برسائے۔ ان کا کہنا تھا کہ جمعیت علمائے اسلام کے سربراہ مولانا فضل الرحمان کے اگر ڈائیلاگ اچھے ہوں تو وہ انھیں اپنی فلم میں لے لیں لیکن وہ ان کے بیانات پر زیادہ توجہ نہیں دیتیں۔ میڈیا سے گفتگو میں ریحام خان نے استعفوں کے معاملے پر ایم کیو ایم کو بھی نہ بخشا۔ ریحام خان کو سرگرم دیکھ کر کپتان تو جتنے خوش ہوں سو ہوں، جلسوں کی ریٹنگ بھی انتہاؤں پر ہے۔ کپتان کی جیون ساتھی بننے کے بعد انہوں نے نہ صرف خود کو شوہر کے رنگ میں رنگا بلکہ نان سٹاپ سیاسی سرگرمیوں میں بھی انہیں پیچھے چھوڑ دیا۔ مخالفین کیلئے بھابھی کا لب ولہجہ بھی اپنے سرتاج سے مختلف نہیں ہے۔ 9 اگست کو ہری پور میں مخالفین کو للکارنے کے بعد ریحام خان آج پھر اسی پچ پر چیلنج کرتی رہیں۔ ایک ہی روز تین جلسے بھی کر ڈالے