اسلام آباد(نیوز ڈیسک) وفاقی وزیر مذہبی امور سردار محمد یوسف نے کہا ہے کہ نجی حج گروپ آپریٹر سے معاہدہ 2015 تک ہے ، رواں سال حج اخراجات میں 10 ہزار روپے کمی کی ہے ، نجی شعبہ سے کہا ہے کہ وہ ایگز یکٹو اور اکانومی کے دو پیکیج متعارف کرائیں اور ان عمل کریں ، منگل کو قومی اسمبلی میں میاں عبدالمنان ، نعیمیہ کشور مولانا گوہر شاہ کے پرائیویٹ حج ٹور آپریٹروں کی جانب سے حجاج کرام کے حوالے سے بھاری اخراجات وصول کرنے کے باوجود انہیں ضروری سہولیات فراہم نہ کئے جانے سے متعلق توجہ دلاﺅ نوٹس کے جواب میں وزیر مذہبی امور نے بتایا کہ پرائیویٹ حج سکیم کے تحت 2005 سے سعودی عرب کے ساتھ طے شدہ پالیسی کے تحت پچاس فیصد حاجی بھجوائے جاتے ہیں ، اس کا باقاعدہ معاہدہ ہوتاہے ، اگر کسی جگہ پر معاہدے کی خلاف ورزی ہوتی ہے تو کارروائی ہوتی ہے انہوں نے کہا کہ 2013 ءاور 2014 کے دوران بالترتیب اٹھارہ ٹور آپریٹر کیخلاف کارروائی کی گئی اور 27 لاکھ روپے لے کر واپس کئے گئے 2014 ءمیں چھ کمپنیوں کیخلاف کارروائی کرکے کوٹہ کم کیاگیا ۔