پشاور(نیوزڈیسک)خیبرپختونخوا اسمبلی نے صوبے میں ناروا لوڈشیڈنگ کے خلاف مشترکہ قرارداد منظور کرلی ہے، قرارداد میںپیسکو چیف کو صوبے بدر کرنے کا بھی مطالبہ کیا گیا ہے،خیبرپختونخوا اسمبلی کا اجلاس اسپیکر اسد قیصر کی زیرصدارت شرو ع ہوا اجلاس میں جمعیت علماءاسلام( ف) کے مولا نا فضل غفوربونیر میں پولیس گردی کی نشاندہی کرتے ہو ئے کہاکہ تورورسک چوکی کا انچارج محمد علی عوام کو بلاوجہ مارپیٹ کا نشانہ بنا رہے ہیں جس سے عوام میں ریاستی اداروں سے نفرت پید اہورہی ہیں جس پر وزیراعلی کے مشیر برائے قانون امتیاز قریشی نے شفاف تحقیقات اور انکوائری کی یقین دہانی کروائی۔ اجلاس کے دوران حکومتی اور اپوزیشن اراکین کی جانب سے صوبے میں بجلی کی ناروا لوڈشیڈنگ کے خلاف متفقہ قراردادرکن اسمبلی نگہت اورکزئی نے پیش کی قرار داد میں موقف اختیار کیا گیا کہ صوبے میں بارہ سے بائیس گھنٹوں کی لوڈشیڈنگ کی جارہی ہیں ٹرانسفارمرز کئی ہفتوں تک خراب رہتے ہیں اوراکثرعوام اپنی جیب سے ان ٹرانسفارمرز کی مرمت کرواتے ہیں ،لوڈشےڈنگ کی وجہ سے عوام ایک عذاب اورکرب کی زندگی گزاررہے ہیں بارباریقین دہانی کے باوجود اس پر عمل درآمدنہیں ہورہا،صوبے کے وزیراعلی اوروزراءنے اسلام آباد جاکر احتجاج بھی کیا لیکن مرکزی حکومت اس پر کوئی توجہ نہیں دے رہی ہیں،قرارداد کے مطابق بجلی پیداکرنےوالے صوبے میں نہ تولوڈشےدنگ ختم کی جارہی ہے نہ شےڈول کے مطابق صوبے کوبجلی فراہم کی جارہی ہے اورساتھ ساتھ اوربلنگ کاسلسلہ بھی شروع کردیا ہے ،جس سے صوبے کے ہرفرد مےں مرکزی حکومت کی اس ناانصافی کے خلاف نفرت پیداہورہی ہے ،قراردادمیں مطالبہ کیاگیا کہ وفاقی حکومت غیراعلانیہ لوڈشےدنگ کوختم کرے ،بارباریقین دہانی کے باوجود صوبے میں نہ تو لوڈشیڈنگ ختم ہوئی اور نہ ہی شیڈول کے مطابق لوڈشیڈنگ کی جارہی ہیں جس سے مرکزی حکومت کے خلاف عوام میں نفرت پیداہورہی ہیں ۔قرارداد میں پیسکو چیف کو بھی صوبے سے ٹرانسفرکرنے کامطالبہ کیاگیا ہے۔ایوان نے مشترکہ قرارداد کومتفقہ طورپر منظورکرلی