پشاور(نیوزڈیسک)صوبائی دارلحکومت پشاور سمیت صوبے کے دیگراضلاع کے360پولنگ سٹیشنوں پر ری پولنگ کاعمل مکمل ہوگیا ہے، پولنگ صبح7بجے شروع ہو کر شام 6بجے اختتام پذیر ہوگئی۔پولنگ کے موقع پر سیکورٹی کے سخت انتظامات کئے گئے تھے ،میڈیا کوپولنگ سٹیشنز کے اندر داخلے کی اجازت نہیں دی ،پشاورمیں مختلف پولنگ سٹیشنز سے جعلی ووٹ پول کرنےوالے پانچ افراد کوگرفتارکرکے مقدمات درج کرلئے ہیں۔صوبے کے 14اضلاع میں ری پولنگ کےلئے سخت سیکورٹی انتظامات کئے گئے تھے ،حساس پولنگ سٹیشن پرپولیس کےساتھ ساتھ پاک فوج کے جوان بھی تعینات رہے،پشاورمیں بلدیاتی انتخابات میں ایک بارپھرجعلی ووٹوںکوپول کرنےوالی دوخواتین سمیت پانچ افرادکوگرفتارکرلیا ہے ،پولیس نے گرفتار کے خلاف مقدمات درج کرلئے ہیںپولیس کے مطابق بھانہ ماڑی میں دو خواتین جعلی ووٹ پول کرتے ہوئے گرفتارکرلی گئیں،خواتین کے قبضے سے جعلی ووٹ برآمد ہوئے ہیں، پولیس کے مطابق یکہ توت پولیس نے صاحبزادہ پبلک سکو ل سے جعلی ووٹ پول کرتے ہوئے دو افراد حراست میں لے لیا،ادھرارمڑ پایاں میں سیاسی جماعت کے کارکن سے 30جعلی ووٹ برآمد ہوئے ،جعلی ووٹ پول کرنے والے کو حراست میں لے کر مقدمہ درج کرلیا ہے، ذرائع کے مطابق ارمڑ میں جعلی ووٹوں سمیت گرفتار شخص کا تعلق مسلم لیگ (ن) سے بتایاجارہاہے۔