لاہور ( نیوزڈیسک)تحر یک انصاف کے صوبائی آرگنائزر چوہدری محمد سرور نے کہا ہے کہ حکمران اپنے چہرے سے بدتر ین دھاندلی کا داغ صاف نہیں کرسکتے ، حکمران بلدیاتی انتخابات کی راہ میں روڑے اٹکانے سے باز رہیں ورنہ احتجاج سمیت تمام آپشنز استعمال کیے جائیں گے،حکمران قوم کو خیالی پلائو پکا پکا کر دکھانے کی بجائے کر پشن،مہنگائی، بے روز گاری اور بجلی کی لوڈشیڈ نگ خاتمے سمیت دیگر مسائل کو حل کر نے کا وعدہ پورا کر یں۔ ان خیالات کا اظہار انہوں نے تحر یک انصاف یوتھ ونگ کے صدر زبیر خان نیازی ،کوارڈی نیٹر پنجاب چوہدری وسیم،سنٹر ل پنجاب یوتھ ونگ کے صدر چوہدری عبیدالر حمن کی قیادت میں ملاقات کر نیوالے وفد سے ملاقات میں گفتگو کرتے ہوئے کیا ۔چوہدری محمد سرور نے کہا ہے کہ پاکستان کا نوجوان طبقہ ملک وقوم کی تقدیر بدلنے، کر پشن،لوٹ ماراور ناانصافی سے نجات دلانے کیلئے عمران خان کے ہاتھ مضبوط کر رہا ہے ۔ انہوں نے کہا کہ اس میں کوئی شک نہیں کہ عام انتخابات میں دنیا کی تاریخ کی سب سے بڑی دھاندلی ہوئی ہے اور حکمران اب جو مر ضی کر لیں ملک میں بدتر ین دھاندلی کا جو ”داغ”حکمرانوں کے چہرے پر لگا ہے اسکو وہ کیسی بھی رپورٹ سے صاف نہیں کر سکتے کیونکہ انکا اصل چہرہ قوم کے سامنے بے نقاب ہو چکا ہے ۔ انہوں نے کہا کہ تحر یک انصاف کے کارکنان ہماری سب سے بڑی طاقت ہیں اور انکی محنت سے ہی ہم نے پنجاب سمیت پورے ملک میں پارٹی کو مزید مضبوط بنانا ہے ۔ انہوں نے کہا کہ پنجاب کے حکمرانوں کو بلدیاتی انتخابات میں اپنی واضح شکست نظر آرہی ہے جسکی وجہ سے حکمران بلدیاتی انتخابات کی راہ میں رکاوٹیںڈالنے کی کوشش کر رہے لیکن اگر حکمران اپنی ان حر کتوں سے باز نہ آئے تو تحر یک انصاف اس پر کسی صورت خاموش نہیں رہے گی اور احتجاج سمیت تمام آپشنز کو استعمال کیا جا ئیگا اور حکمرانوں کو کسی بھی صورت انتخابی میدان سے بھاگنے نہیں دیں گے ۔