لاہور (نیوزڈیسک)سنی اتحاد کونسل پاکستان کے چیئرمین صاحبزادہ محمد حامد رضا نے کہاہے کہ میٹرو کے بجائے ڈیم بنائے ہوتے تو سیلاب سے تباہی نہ ہوتی، شدید تحفظات کے باوجود جوڈیشل کمیشن کی رپورٹ تسلیم کرتے ہیں،بیگز کھولنے کا مطالبہ مان لیا جاتا تو جوڈیشل کمیشن کا فیصلہ مختلف ہوتا ، جوڈیشل کمیشن کی رپورٹ کو سیاسی رنگ نہ دیا جائے،انتخابی ااصلاحات کیلئے آئیڈیل وقت ہے،حکومت جوڈیشل کمیشن رپورٹ پر جشن منانے کے بجائے سیلاب زدگان کے مسائل پر توجہ دے، انتخابات کا فول پروف نظام تشکیل کیا جائے اور انتخابی نظام کی خرابیاں ختم کرنے پرتوجہ دی جائے، اسرائیل کا صحابہ کرام کے مزارات پر نائٹ کلب بنانے کا نا پاک منصوبہ قابل مذ مت ہے،مسلم حکمران اسرائیل کے اس کے نا پاک منصوبے کو روکنے کیلئے آواز اٹھائیں۔ ان خیالات کا اظہا ر انہوں نے جوڈیشل کمیشن رپورٹ پر غور کیلئے منعقدہ سنی اتحاد کونسل کے اعلی سطحی اجلاس سے خطاب کرتے ہوئے کیا ۔ صاحبزادہ حامد رضا نے مزید کہا کہ چالیس لاکھ تارکین وطن کو ووٹ دینے کا حق دیا جائے۔فلڈ کمیشن کی رپورٹ پر عمل کیا جاتا تو سیلاب سے تباہی نہ ہو تی ۔ سند ھ کے فیصلے دبئی اور لندن میں ہونا بد قسمتی ہے۔حکومت نے سیلاب زدگان کو بے یارو مددگار چھوڑ دیا ہے۔پاکستان اور چین کی بڑھتی دفاعی قوت سے بھارت بو کھلاہٹ کا شکا ر ہے۔دفاعی میدان میں پاکستان کی برتری پر مودی سرکار پریشان ہے۔مسئلہ کشمیر حل کئے بغیر امن کی کوشش سراب ہے۔سیلاب سے بچاﺅ کیلئے پیشگی احتیاطی تدابیر کی جاتی تو تباہ کاریوں سے بچا جا سکتا ہے۔ آبی ذخائر نہ بننے کی وجہ سے ہر سال تباہی پھیلتی ہے۔بھارت پانچ ہزار اور پاکستان میں صرف چھیاسی ڈیم ہیں۔ کالا باغ ڈیم نہ بننے کی سزا پوری قوم بھگت رہی ہے۔ہر قدرتی آفت پر کئے جانیوالے بلند و باگ دعوے وقت گزرنے کے ساتھ اپنی موت آپ مر جاتے ہیں۔ سرکاری محکموں میں لوٹ مار کا بازار گرم ہے۔