لاہور(نیوزڈیسک) نجم سیٹھی عمران خان کے پیچھے پڑ گئے-سابق نگران وزیراعلیٰ پنجاب نجم سیٹھی نے ایک نجی ٹی وی کے پروگرا م میں گفتگوکرتے ہوئے کہاکہ مجھے 2013ء کے انتخابات میں مبینہ دھاندلی کیلئے قائم جوڈیشل کمیشن کے فیصلے پر کوئی حیرانگی نہیں ہوئی۔ 2013ء کے انتخابات میں دھاندلی ہوئی ہی نہیں البتہ کچھ بے ضابطگیاں ہوئی تھیں۔ ان کا کہنا تھا کہ جوڈیشل کمیشن کے فیصلے کے بعد عمران خان کی سیاست میں ڈنٹ پڑے گا۔ عمران خان صاحب کی سیاست سے لوگ دن بدن مایوس ہوتے جا رہے ہیں۔ ایک سوال کا جواب دیتے ہوئے نجم سیٹھی کا کہنا تھا کہ عمران خان عدالت میں سوری کر دیں تو بات ختم ہو جائے گی لیکن اگر وہ معذرت نہیں کرینگے تو پیچھے نہیں ہٹوں گا۔ –