کوئٹہ (نیوزڈیسک))کمانڈر سدرن کمانڈلیفٹیننٹ جنرل ناصر خان جنجوعہ نے کہاہے کہ سانحہ مستونگ پشتون بلوچ اقوام کو لڑانے کی سازش تھی سانحہ میںملوث کئی دہشتگردوں کو کیفرکردار تک پہنچاچکے ہیں ملک دشمن قوتیں چاہے جو بھی ہوں انکے خلاف دیوار بن کر کھڑے رہینگے پاکستان کی عزت وآبرو پر آنچ تک نہیں آنے دینگے سانحہ مستونگ کے شہداءکو کبھی نہیںبھولیں گے مستونگ کا واقعہ ایک قومی سانحہ ہے ملک دشمن قوتوں کی ایماءپر ظالموں نے اپنے ہی لوگوں کو موت کی نیند سلا دیا، سانحہ نے ہمارے دلو ں پر گہرے زخم لگائیں ہیں دشمنوں کو بھی چوٹ ضرورلگائینگے دہشتگردوں کے کیمپوں اور ٹھکانوں تک پیچھا کررہے ہیں کوئی دہشت گرد نہیں بچے گا انہوں نے کہا کہ شہدا مستونگ کے لواحقین اپنے آپکو تنہاءنہ سمجھیں ہم انکے ساتھ ہیں۔ ان خیالات کا اظہار انہوں نے عید کے پہلے دن ڈی سی ریسٹ ہاوس پشین میں شہداءمستونگ کے لواحقین سے اظہار ہمدردی ویکجہتی کرتے ہوئے کیا، اس موقع پر آئی جی ایف سی میجر جنرل شیرافگن ایم این اے مولوی آغا ،محمد ایم پی اے عبدالمالک کاکڑ ،ڈپٹی کمشنر پشین عبدالواحد کاکڑ،ڈی پی او عبدالحٰی بلوچ ، جے یو آئی (نظریاتی)کے مولوی محمد حنیف میونسپل کارپوریشن کے چیئرمین سید شراف آغا ڈسٹرکٹ چیئرمین عیسیٰ روشان ڈپٹی ڈسٹرکٹ چیئرمین صورت خان کاکڑ اسسٹنٹ کمشنر سمیع اللہ کاکڑبھی موجود تھے ، کمانڈر سدرن کمانڈ نے کہا کہ محب وطن پاکستانیوں کو دلوں میں جگہ دینگے اور ملک دشمن عناصر کو کبھی معاف نہیں کیا جائیگا گزشتہ روز کوئٹہ میں خودکش بمبار کی ہزارہ ٹا ¶ن میں داخل ہونےکی کوشش سیکورٹی گارڈ نے ناکام بناکر دہشت گرد وں کے مذموم مقاصد کو خاک میں ملا دیا ، انہوں نے کہا کہ آج ہم یہاں چیف آف آرمی سٹاف جنرل راحیل شریف کی ہدایت پر مستونگ کے شہدا کے لواحقین کا دکھ بانٹنے آئے ہیں ، انہوں نے کہا کہ مستونگ واقعہ برادر پشتون بلوچ اقوام کو آپس میں لڑانے کی مزموم سازش جسے عوام ، قبائل اور سیاسی قیادت نے مل کر ناکام بنا دیا۔ بعد ازاں کمانڈر سدرن کمانڈ لیفٹیننٹ جنرل ناصر خان جنجوعہ ،آئی جی ایف سی شیرافگن ،ایم این اے مولوی آغا محمد ،ایم پی اے عبدالمالک کاکڑ ڈسٹرکٹ چیئرمین عیسیٰ روشان و دیگر نے لواحقین میں عید گفٹ تقسیم کئے ۔